शिवचरित्र स्पर्धा

* CBSC च्या २२०० पानांच्या अभ्यासक्रमात मराठेशाहीच्या वाटयाला फक्त २ पाने आली आहेत. त्यामुळे खरा इतिहास समजत नाही.

* सन १६५० ते १८१८ या कालखंडाचा विचार केला तर अत्यंत विपरीत परिस्थितीत स्वधर्म आणि स्वसंस्कृतीचे रक्षण करण्याचे उदाहरण अन्य कोणत्याही देशात आढळत नाही.

* परंतु आपल्याच देशात हा इतिहास शिकविला जात नाही. यास्तव मंडळाने आपल्या गौरवशाली इतिहासावर आधारित स्पर्धा

सुरु केल्या आहेत.

 

श्री शिवाजी रायगड स्मारक मंडळाची स्थापना लोकमान्य टिळकांच्या पुढाकाराने 1895 साली झाली. तेव्हापासून मंडळ किल्ले रायगडावर शिवपुण्यतिथी अभिवादन कार्यक्रम आयोजित करीत आहे. मंडळाच्याच प्रयत्नाने किल्ले रायगडावरील छत्रपती शिवाजी महाराजांच्या समाधीचा जीर्णोद्धार 1926 साली करण्यात आला. शिवचरित्र आणि मराठेशाहीच्या इतिहासाचा प्रसार आणि प्रचार करण्यासाठी मंडळ सातत्याने प्रयत्न करीत आहे.

साडेतीनशे वर्षांपूर्वी शिवरायांनी अन्यायी, अत्याचारी, धर्मांध सत्तांशी संघर्ष करून एक आदर्श, लोककल्याणकारी स्वराज्य निर्माण केले. शेकडो वर्षांच्या सामाजिक आणि धार्मिक गुलामगिरीतून समाज आणि राष्ट्राला मुक्त करण्याचा प्रयत्न केला. शिवरायांनी स्वतःच्या त्यागमय जीवनाचा आदर्श सर्वांसमोर ठेवून समाजाला आदर्शाकडे नेले. शिवरायांनी भयमुक्त, भ्रष्टाचारमुक्त आणि दहशतमुक्त समाज निर्माण केला. शिवरायांच्या पश्चात दिल्लीपती मुघल बादशहा औरंगजेब लाखोंचे सैन्य घेऊन छोटेसे स्वराज्य जिंकण्यासाठी महाराष्ट्रात आला. त्यावेळी छत्रपती संभाजी महाराज, छत्रपती राजाराम महाराज आणि महाराणी ताराबाई यांच्या नेतृत्वाखाली सत्तावीस वर्षे मराठ्यांनी संघर्ष करून हिंदवी स्वराज्याचे रक्षण केले. हा मराठ्यांच्या स्वातंत्र्यलढ्याचा देदीप्यमान इतिहास शिवरायांच्या इतिहासासारखाच आजच्या समाजासाठी प्रेरणादायी आहे.

 

औरंगजेबाच्या निधनानंतर मराठ्यांनी अटकपासून कटकपर्यंत साम्राज्य निर्माण करून शिवरायांचे स्वप्न साकार केले. ह्या प्रेरणादायी इतिहासाचा प्रसार आणि प्रचार करून आम्हांला उद्याचा आदर्श आणि गौरवशाली हिंदुस्थान निर्माण करता येईल. याच ध्येयाने श्री शिवाजी रायगड स्मारक मंडळ शालेय आणि महाविद्यालयीन विद्यार्थ्यांसाठी देशव्यापी शिवचरित्र स्पर्धेचे आयोजन करीत आहे. या स्पर्धेसाठी आवश्यक असणारे शिवचरित्र आणि मराठेशाहीचा समग्र इतिहास ज्येष्ठ इतिहास तज्ज्ञांकडून लिहून घेऊन ते ग्रंथ मंडळाने प्रसिद्ध केले आहेत.

 

या स्पर्धेसाठी मंडळाने 1. डॉ. केदार फाळके लिखित ‘छत्रपतीशिवाजीमहाराज’ 2. ज्येष्ठ इतिहास संशोधक

श्री. पांडुरंग बलकवडे, इतिहास अभ्यासक श्री. सुधीर थोरात आणि इतिहास तज्ज्ञ श्री. मोहन शेटे यांनी संपादित केलेला ‘स्वराज्यरक्षणाचा लढा’ या ग्रंथांची निर्मिती केली आहे. या ग्रंथांमधून आपल्या देदीप्यमान इतिहासाचे आकलन होईल. हे दोन्हीही ग्रंथ प्रत्येक भारतीयाच्या संग्रही असावेत असे आहेत. विद्यार्थ्यांचे उज्वल भवितव्य घडविण्यासाठी सर्व शिक्षणसंस्था, शाळा, महाविद्यालये आणि पालकांनी या उपक्रमात सहभागी होऊन आमच्या या प्रयत्नाला मोठ्या प्रमाणात प्रतिसाद द्यावा ही विनंती.

आपले विनित,

रघुजीराजे शहाजीराजे आंग्रे

अध्यक्ष, श्री शिवाजी रायगड स्मारक मंडळ, पुणे

 

 

 

स्पर्धेची प्रश्नपत्रिका विद्यार्थ्यांचा वयोगट आणि त्यांच्या शैक्षणिक पात्रतेवर (इयत्तेवर) आधारित वेगवेगळी असणार आहे. ‘छत्रपती शिवाजीमहाराज’ या ग्रंथावर आधारित इ. सातवीची प्रश्नपत्रिका आणि इयत्ता अकरावी, बारावीच्या तसेच डिप्लोमाच्या विद्यार्थ्यांसाठीची प्रश्नपत्रिका वेगवेगळी असणार आहे. ‘स्वराज्यरक्षणाचा लढा’ या ग्रंथावर आधारित इ. आठवी ते दहावीची आणि वरीष्ठ महाविद्यालयीन विद्यार्थ्यांसाठीची प्रश्नपत्रिका वेगवेगळी असणार आहे.

 

 1) स्पर्धेचे शुल्क रु. 200/- असेल. त्यामध्येच वयोगटानुसार ‘छत्रपती शिवाजीमहाराज’आणि ‘स्वराज्यरक्षणाचा लढा’ यापैकी आवश्यक ग्रंथ विद्यार्थ्यांच्या गटाप्रमाणे देण्यात येतील.

2) स्पर्धा ऑनलाईन स्वरुपाची असेल. विचारलेल्या प्रश्नांच्या उत्तरासाठी विद्यार्थ्यांनी योग्य पर्याय निवडायचा आहे.

3) स्पर्धा केवळ मराठी माध्यमातूनच घेतली जाईल.

4) प्रश्नपत्रिका 100 गुणांची असेल. प्रश्नपत्रिकेत 50 प्रश्न असतील. प्रत्येक प्रश्नाच्या योग्य उत्तरास 2 गुण दिले जातील. प्रश्न सोडविताना विद्यार्थ्यांनी योग्य पर्याय निवडावा.

5) आदर्श उत्तरपत्रिका स्पर्धेनंतर सुमारे एक आठवड्यानंतर श्री शिवाजी रायगड स्मारक मंडळाच्या www.shivajiraigad.com या website वर दिली जाईल तसेच स्पर्धेचा निकालही साधारणपणे 15 दिवसांनंतर वेबसाईटवर जाहीर केला जाईल. उत्तरपत्रिकेची दुसर्यां दा गुण पडताळणी केली जाणार नाही.

6) प्रत्येक वयोगटातील गुणवत्ता यादी नुसार निवडक व पात्र विद्यार्थ्यांना पारितोषिके दिली जातील.

1) शालेय विद्यार्थी वयोगट (इ. सातवी ते दहावी) यामध्ये तालुक्यात प्रथम येणार्या विद्यार्थ्यास रु. 301 इतके पारितोषिक ऑनलाईन बँक खात्यात जमा केले जाईल. महाविद्यालयीन विद्यार्थी वयोगट (अकरावी, बारावी, डिप्लोमा, पदवी आणि पदव्युत्तर) यामध्ये तालुक्यात प्रथम येणार्याज विद्यार्थ्यास रु. 501 इतके पारितोषिक ऑनलाईन बँक खात्यात जमा केले जाईल.

2) प्रत्येक वयोगटामध्ये प्रथम येणार्याव 3 विद्यार्थ्यास रु. 5001/-, रु 3001/-, रु.1001/- इतक्या रुपयांची पारितोषिके ऑनलाईन बँक खात्यात जमा केली जातील.

3) तालुक्यातील पहिल्या क्रमांकाची निवड करीत असताना एकापेक्षा अधिक विद्यार्थ्यांस समान गुण मिळाल्यास संगणकीय लकी ड्रॉ पद्धतीने त्यापैकी पहिल्या विद्यार्थ्याची निवड केली जाईल. याबाबतचा अंतिम निर्णय श्री शिवाजी रायगड स्मारक मंडळाचा राहील.

4) स्पर्धेस उपस्थित राहाणार्याड सर्व विद्यार्थ्याना सहभाग प्रशस्तिपत्रक देण्यात येईल.

5) तालुक्यातील ज्या वयोगटात किमान 40 विद्यार्थी असतील त्या वयोगटासाठी प्रथम क्रमांकाचे पारितोषिक दिले जाईल. पारितोषिकासाठी विद्यार्थ्यांची निवड करताना ती विद्यार्थी संख्येनुसार करण्याचा अधिकार श्री शिवाजी रायगड स्मारक मंडळाकडे राहील.

1) स्पर्धा रविवार दि. 27 फेब्रुवारी 2022 रोजी होईल.

2) स्पर्धेची वेळ - सकाळी 11.00 ते 12.00 पर्यंत असेल.

3) सकाळी 10.50 वाजता विद्यार्थ्यांनी लॉग इन करावे व सुचनांनुसार परिक्षा द्यावी.

4) स्पर्धेचा निकाल सुमारे 15 दिवसांनंतर मंडळाच्या www.shivajiraigad.com या website वर जाहीर केला जाईल आणि प्रशस्तिपत्रके आपल्या शाळा, महाविद्यालयात पाठविली जातील. त्यानंतर पारितोषिकांची रक्कम विद्यार्थ्यांच्या बँक खात्यात जमा करण्यात येईल.

1) सर्व शाळांमधल्या इ. सातवी ते दहावीच्या विद्यार्थ्यांना, कनिष्ठ व वरीष्ठ महाविद्यालयातील तसेच पदव्युत्तर विद्यार्थ्यांना स्पर्धेत भाग घेता येईल.

2) प्रत्येक विद्यार्थ्याने स्वतंत्र ऑनलाईन फॉर्म व फी विहित मुदतीत मंडळाच्या www.shivajiraigad.com या website वर भरणे आवश्यक आहे.

3) ऑनलाईन स्पर्धेसाठी मोबाईल, लॅपटॉप किंवा संगणक तसेच इंटरनेट कनेक्शन उपलब्ध करण्याची जबाबदारी सर्वस्वी स्पर्धकांवर राहील.

4) ऑनलाईन अर्ज व नियमित शुल्क रु. 200 स्वीकारण्याची अंतिम मुदत दि. 15 फेब्रुवारी 2022 अशी राहील.

1) स्पर्धा शुल्क रु. 200/- पेक्षा कमी असल्यास अर्ज स्वीकारला जाणार नाही.

2) अपरिहार्य कारणास्तव स्पर्धेची तारीख तसेच स्पर्धेची वेळ बदलण्याचा अधिकार फक्त श्री शिवाजी रायगड स्मारक मंडळाकडे राहील.

3) कोणत्याही प्रकारे कॉपीचा प्रकार आढळून आल्यास संबंधित विद्यार्थ्यांना स्पर्धेतून बाहेर केले जाईल.

4) एकदा भरलेले शुल्क कोणत्याही कारणास्तव परत दिले जाणार नाही. ग्रंथ परत घेतला जाणार नाही. एका विद्यार्थ्याऐवजी दुसर्या. विद्यार्थ्याचे नाव घेतले जाणार नाही.

5) विद्यार्थी किंवा पालकांना तक्रार करावयाची असल्यास ती कार्यवाह, श्री शिवाजी रायगड स्मारक मंडळ, पुणे यांचेकडे लेखी स्वरुपात करावी. कार्यवाह, श्री शिवाजी रायगड स्मारक मंडळ, पुणे यांचा निर्णय अंतिम राहील.

6) प्रत्येक विद्यार्थ्याने स्पर्धा सुरु होताना नियोजीत वेळेमध्ये लॉग-इन करणे आवश्यक आहे. रविवार दि. 27 फेब्रुवारी 2022 रोजी सकाळी 11.00 वाजता सुरु होणार्या या स्पर्धेसाठी सकाळी 11.15 पर्यंतच लॉग-इन करता येईल.